الجرح

السلام عليكم
صباح :/: مساء
(النور والاحساس والورد)

اليوم جبت لكم قصيدة عبد الله الظفيري - الجرح
بصراآآآحه أحبها وأسمعها شبه يومي
وحبيت أنكم تشاركوني فيها

القصيدهـ


الي بقى لي مع الأيام / وفٌيته
والضيق لو ينهمر تشربه ودياني

ماهي كبيرهـ علي والحزن غنيته
ولاهي غريبه اذا وقتي تحداني

الخوف يامن نبشت القلب وادميته
لاعشت زهرة شبابك وانت وحداني

كم جرح خذته من الاحباب / ضميته
وجروح قلبي زكاة لحب خلاني

مطعون / عادي جفا الاقراب داويته
تعبان / مبطي ردى هالحظ خاواني

صدمه / بسيطه هوان الحال مريته
مقرود / أدري واذا حرمان عداني

مافاح هم لك الله ما تقهويته
و مامر حزن بغيري ما تبلاني

ياما وياما من الخذلان / عديته
إلا بصاحب .. بعد عشرهـ تناساني

ازريت لأنسى غيابه لين ناديته
والموت لامن تجاهلني وجافاني

وينه يجيني / وكل عتاب كنيته
ياليت يدري بعد فرقاهـ وش جاني

من كنت طفل وانا أرجاهـ في بيته
شيبت / واثرهـ على هالحال خلاني

حتى جناح العتب لرضاهـ ذليته
ماطرت بعدهـ فرح من ذل جنحاني

ياقلب صبرك .. ترى كل شي سويته
ماكان افضل من اللي كان بإمكاني

لو بي قوهـ على الهجران خليته
لوبي ذرهـ من النكران يفداني

الجرح أرحم / اذا يرجع من أغليته
مجروح فدوهـ .. ولكن صعب وحداني

تحياتي :يتعبون ماضيقو صدري

(مجروح فدوهـ .. ولكن صعب وحداني )